Дырэктар аб'екта гандлю заявіў у міліцыю аб падпале складскога памяшкання. Сышчыкі УУС Брэсцкага аблвыканкама разам з калегамі з Ганцавіцкага РАУС аператыўна ўстанавілі асобу падазраванага — 26-гадовага мясцовага жыхара.
Высветлілася, што дзяўчына мужчыны працуе прадаўцом у гэтай краме. Перад інвентарызацыяй яна распавяла маладому чалавеку пра тое, што мае буйную недастачу. Хлопец не прыдумаў нічога лепшага, акрамя як пайсці ноччу да месца яе працы і падпаліць склад. Для гэтага ён разбіў акно і кінуў туды пляшку з бензінам.
Заведзеная крымінальная справа за знішчэнне маёмасці.
