Украінская каманда «Мінай»
Па словах персаналу Royal Seginus, дзе спыніліся футбалісты яраслаўскага «Шынніка» і закарпацкага «Міная», спартсмены з абедзвюх каманд былі вельмі п'яныя.
Выпівалі спартсмены асобна адны ад адных, аддаючы перавагу віскі з колай (па падліках персаналу, усяго было выпіта каля 5 бутэлек).
Адзін з канфліктаў пачаўся ў лобі. Як распавялі ў аддзеле guest relation, які паводле сваіх абавязкаў мусіць залагоджваць рознага кшталту праблемы,
адзін з расійскіх футбалістаў, «вельмі высокі хлопец», зайшоў у жаночую прыбіральню. Праз імгненне адтуль пачуўся жаночы крык.
У сітуацыю ўмяшаліся члены ўкраінскай каманды — пачаўся канфлікт, расійскі футбаліст паклікаў сваіх сяброў, і сварка перацякла ў бойку. Затым футбалісты перамясціліся на трэці паверх, дзе адбылася асноўная частка канфлікту.
Раз'юшаных футбалістаў спрабавалі суцішыць супрацоўнікі, але атрымалася не вельмі — прыйшлося выклікаць паліцыю. У выніку раніцай 14 лютага абедзве каманды выселілі з Royal Seginus.
Гендырэктар яраслаўскага «Шынніка» Сяргей Кулакоў, праўда, адмаўляе версіі персаналу гатэля ў праўдзівасці. Раней гаварылася пра тое, што прычыны канфлікту былі палітычныя.