26-гадовы мужчына ў двары дома мяняў стартар у аўто. Не прыняўшы меры асабістай бяспекі, ён паставіў машыну толькі на дамкрат (без дадатковых сродкаў), зняў кола і залез пад аўто, аднак апора не вытрымала — машына саскочыла проста на чалавека.
У гэты час з працы вярнуўся яго бацька. Ён убачыў, што сына прыціснула. Сумесна з суседзямі яны прыўзнялі машыну, але хлопец быў ужо мёртвы.
