«Прыпыненая супрацьпраўная дзейнасць грамадзяніна РФ, які арганізаваў незаконнае радыёвяшчанне кантэнту СМІ, уключаных у Рэестр замежных агентаў, на тэрыторыі Маскоўскага рэгіёна. <…> Правапарушальнік вырабіў саматужным спосабам вяшчальны радыёперадатчык і, не маючы адпаведнага дазволу, арганізаваў у горадзе Люберцы перыядычнае радыёвяшчанне «Радыё Свабода», доступ да якога абмежаваны на падставе патрабавання Генпракуратуры», — гаворыцца ў паведамленні.
Праваднік «варожага голасу» прызнаны вінаватым у адміністрацыйным правапарушэнні па артыкуле аб «парушэнні патрабаванняў да выкарыстання радыёчастотнага спектра», таксама вырашаецца пытанне аб узбуджэнні крымінальнай справы аб распаўсюджванні фэйкаў аб УС РФ, якія ўдзельнічаюць у вайне ва Украіне.
