За рэзалюцыю аднагалосна прагаласавалі ўсе 129 дэпутатаў, якія ўдзельнічалі ў галасаванні (усяго іх у Сейме 141). Старшыня парламенцкага Камітэта па міжнародных справах Жыгімантас Павілёніс заявіў, што запрашэнне Кіева ў Альянс «абвергне права вета Расіі па ўступленні Украіны» і зробіць саюз больш трывалым, умацаваўшы тым самым літоўскую бяспеку.

У канцы верасня мінулага года прэзідэнт Украіны Уладзімір Зяленскі па выніках пасяджэння Рады нацыянальнай бяспекі і абароны абвясціў, што краіна падае заяўку на ўступленне ў НАТА ў паскораным парадку. «Дэ-факта мы ўжо прайшлі свой шлях у НАТА. Дэ-факта мы ўжо даказалі сумяшчальнасць са стандартамі Паўночнаатлантычнага альянсу», — заявіў ён.

Масква неаднаразова заяўляла, што лічыць магчымае ўступленне Украіны ў НАТА крытычнай пагрозай сваёй бяспецы. Перад лютаўскім уварваннем ва Украіну Крэмль патрабаваў не дапусціць уступлення Украіны ў Альянс.

Генеральны сакратар НАТА Енс Столтэнберг ужо пасля пачатку ўварвання заяўляў, што дзверы для ўступлення Кіева ў Альянс адчыненыя, але цяпер увага засяроджана на падтрымцы абароны Украіны ад расійскага ўварвання. Многія ваенныя эксперты мяркуюць, што ўступленне краіны немагчыма як мінімум да завяршэння актыўных баявых дзеянняў.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?