Епіскап Мікіта (Старажук). Фота з сайта espreso.tv
Падчас нападу разам з епіскапам быў непаўналетні сын вайскоўца УСУ, чый брат і бацька цяпер знаходзяцца на перадавой, сцвярджае прэс-служба УПЦ са спасылкай на прэс-службу Чарнавіцкай епархіі.
Напад на епіскапа быў наўмысным, лічыць у епархіі. Паліцыя разбіраецца з абставінамі здарэння.
На адным з відэа, якія распаўсюджваюцца ў тэлеграм-каналах, затрыманы за напад на епіскапа абвінавачвае яго ў педафіліі.
Епіскапа Мікіту ў Івана-Франкоўскую епархію прызначылі нядаўна, да гэтага ён быў архімандрытам ў суседніх Чарнаўцах. У канцы мінулага года падчас ператрусаў у Чарнавіцкай епархіі, шэраг СМІ са спасылкай на крыніцу ў СБУ паведамілі, што ў ложку з Мікітам знайшлі непаўналетняга харыста.
УПЦ адмаўляла гэтыя паведамленні, СБУ афіцыйна не каментавала.
Пасля гэтага скандалу архімандрыта прызначылі ў Івана-Франкоўскую епархію.
У канцы сакавіка ў выніку сутыкненняў апошні храм УПЦ у Івана-Франкоўскай вобласці перайшоў пад кантроль Аўтакефальнай Праваслаўнай Царквы Украіны (ПЦУ), дадае Бі-бі-сі.