Эйдан О'Хара стаў паслом у 2022 годзе. Фота European Union in Sudan, facebook.com
Барэль не раскрыў ніякіх падрабязнасцяў нападу, але сказаў, што з паслом цяпер усё ў парадку, піша Бі-бі-сі.
«Бяспека дыпламатычных памяшканняў і персаналу з'яўляецца абавязкам суданскіх уладаў», — напісаў Барэль у твітары.
Прадстаўніца ЕС Набіла Масралі таксама заявіла, што бяспека персаналу з'яўляецца прыярытэтам, тым не менш пасля гэтага нападу дэлегацыя Еўрасаюза не была эвакуяваная з Хартума.
Як заявіла Масралі, дыпмісія праводзіць ацэнку мер бяспекі.
Трэці дзень баёў
Панядзелак стаў ужо трэцім днём баявых дзеянняў у Судане паміж арміяй і ваенізаванай групоўкай пад назвай «Cілы хуткай падтрымкі» (RSF).
Абодва бакі сцвярджалі, што кантралююць ключавыя аб'екты ў Хартуме, жыхары якога імкнуцца не выходзіць са сваіх дамоў і хаваюцца ад стральбы і выбухаў.
Па словах Волкера Пертэса, прадстаўніка ААН у Судане, у ходзе гэтага канфлікту больш за 1800 мірных жыхароў і баевікоў атрымалі раненні. У панядзелак ён паведаміў журналістам, што загінула каля 185 чалавек.
Канфлікт суправаджаўся шматлікімі авіяўдарамі, артылерыйскімі абстрэламі і жорсткімі перастрэлкамі, у тым ліку ў жылых кварталах.
Прадстаўнік Дзярждэпартамента ЗША Джон Кірбі заявіў, што ў цяперашні час планаў па эвакуацыі амерыканскага персаналу няма, нягледзячы на праблемы з бяспекай і закрыццё аэрапорта Хартума.
Але ён заклікаў амерыканцаў, якія знаходзяцца ў Судане, паставіцца да сітуацыі з усёй сур'ёзнасцю.
Канфлікт выклікае ў многіх у краіне асцярогі зацяжнога канфлікту, здольнага пагрузіць краіну ў яшчэ большы хаос.
Чытайце таксама:
МЗС параіў беларусам не ехаць у Судан
Спроба вайсковага перавароту ў Судане. Там пачаліся сутыкненні паміж арміяй і «джынамі на конях»
