Мемарыял абаронцам у Бучы. Фота: unian.net
Назваць вуліцу імем беларускага добраахвотніка, на якой ён загінуў, пастанавіла гарадская рада Бучы 12 красавіка, а пра ўстаноўку мемарыяла 19 красавіка паведаміў «Нашай Ніве» сакратар Рады Тарас Шапраўскі.
«Да новага мемарыяла прылягае вуліца Літвіна», — патлумачыў ён і суправадзіў свой каментар малюнкам.
Размяшчэнне вуліцы Іллі «Літвіна» Хрэніна (чырвоным) і мемарыяла (зялёным). Фота Тараса Шапраўскага
Раней Бучынская рада пасмяротна ўзнагародзіла ваяра-каліноўца медалём «Захисник Батьківщини».
Летась у верасні гарадская рада Бучы ўзнагародзіла некалькіх ваяроў Палка Каліноўскага медалём «За абарону Бучы» — Дзяніса «Кіта», Аляксея «Псіхолага» і, пасмяротна, Іллю «Літвіна».
Ілля «Літвін» Хрэнаў. Фота: сацыяльныя сеткі
Ілля «Літвін» Хрэнаў абараняў незалежнасць Украіны ў 2014 годзе, а ў 2022-м вярнуўся на фронт. Ëн загінуў пад Бучай 4 сакавіка 2022 года.
Бучу ўкраінскія войскі адваявалі 31 сакавіка 2022 года. Пад акупацыяй горад знаходзіўся ад 27 лютага 2022-га.
Па вызваленні ў ім былі знойдзеныя шматлікія трупы жыхароў з прыкметамі катаванняў. У 90% загінулых выяўленыя кулявыя, а не аскепкавыя раненні.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»Глядзіце таксама:
«Расейцы, як у Другую сусветную, трупамі ваююць». Дзяніс Урбановіч зноў едзе на фронт
«Калі выносілі параненых, прыляцеў другі снарад». Гісторыя каліноўца, які страціў нагу на вайне
што гэта?
гэта выглядае, як танная інсталяцыя дзеля прыезду нейкіх там асоб...
не больш за тое
https://dcsfxzu8xls6u.cloudfront.net/314880