Бесараб запэўнівае, што найлепшы варыянт — зрабіць сетку Паўлоўскага.
Сетку (шырыня — 50 см, даўжыня — 75 см, вочкі 1 -1,5 см) з дапамогай тасьмы прымацоўваюць да галаўнога ўбору такім чынам, каб яна пакрывала плечы і спіну, спераду даходзіла да броваў. Сетка павінна быць з натуральнага валакна.
Сетку Паўлоўскага можна прыдбаць гатоваю, а можна вырабіць самому. Фота з сайта market.yandex.ru
Рэпеленты, якімі прамочаная сетка, пры выпарэнні ствараюць вакол чалавека ахоўную вобласць, адпужваючы гнюс.
Распрацоўшык сеткі — энтамолаг Яўген Паўлоўскі — выкарыстоўваў для прамочвання сеткі такія натуральныя склады:
- 15 г аптэчнага лізолу (сродак для дэзінфекцыі), 8 г сасновага шкіпінару, 77 г вады;
- 10 г бярозавага дзёгцю («мазь для лыж»), 5 г шчолачы (NaOH), 85 г вады;
- 1 г этылцэлюлозы (загушчальнік), 10 г ацэтону, 4 г дыметылфталату — атрымліваецца гель.
Склад для шмаравання сеткі:
- 69 г дыметылфталату, 20 г стэарыну, 7,7 г этылцэлюлозы, 3,3 г пчалінага воску.
Бесараб таксама дадае, што сетку можна проста нацерці дзягцярным мылам (або прамачыць растворам гэтага мыла).
Чытайце таксама:
«Часам незаменна, але…» Бесараб адказаў на крытыку наконт апраменьвання прадуктаў радыяцыяй
