«З майго пункта гледжання, супрацоўнікі ўсіх апазіцыйных структур, пачынаючы з першых лідараў і кіраўнікоў, павінны праходзіць такія сумоўі на рэгулярнай аснове, каб пацвярджаць сваю сумленнасць і адсутнасць сувязяў са структурамі спецслужбаў рэжымаў Лукашэнкі і Пуціна», — кажа Азараў у звароце на канале «Мая краіна Беларусь».
Ён дадае, што сам такое тэставанне праходзіць дастаткова часта. Але некаторыя ў «Байпол» адмаўляюцца яго рабіць.
У сувязі з гэтым Азараў вырашыў запытаць меркаванне грамадскасці:
«Ці праўда трэба нам усім, грамадскім дзеячам і палітыкам, праходзіць штогод у рамках даверу, праверкі сумленнасці і лаяльнасці тэст на паліграфе?»
Сваё меркаванне можаце выказаць у каментарах.
Раней Азараў расказваў, што паліграф праходзілі Таццяна Зарэцкая, Аліна Коўшык, Валер Кавалеўскі, Анастасія Касцюгова, Валер Мацкевіч, Андрэй Ягораў, Яўген Буры.
Павел Латушка, напрыклад, адмаўляўся ад праходжання паліграфа, бо не верыць таму, хто будзе праводзіць гэтую праверку. Палітык сумняваецца, што інфармацыя, якая будзе дадзеная ў яе ходзе, застанецца там, дзе яна павінна быць. Але Латушка паабяцаў прайсці паліграф пасля вяртання ў Беларусь, калі гэта будзе патрэбна.
Да паказанняў паліграфа некаторыя спецыялісты ставяцца са скепсісам.
Чытайце таксама:
У ByPol з'явілася магчымасць праверкі беларусаў на паліграфе. Хто з палітыкаў яго прайшоў?
Павел Латушка — пра адмову праходзіць паліграф і самы дарагі касцюм
а хто пачиняе приМУС? т.е. кто винтики-гаечки подкручивает? или полиграф - это что-то такое совершенно-совершенно безукоризненное?