Скрыншот відэа
«Гібрыд» лабрадора і нямецкай аўчаркі па мянушцы Зоўі (гэта дзяўчынка) стала рэкардсменкай за самы доўгі язык у жывога сабакі. Даўжыню языка ад кончыка пысы да кончыка языка вымяраў ветэрынар. Яна склала 12,7 сантыметра. Гэта больш за бляшанку колы.
Гаспадары Зоўі — Сэндзі і Дру Уільямс — падзяліліся, што ўзялі сабаку, калі яму было ўсяго 6 тыдняў. Яны амаль адразу заўважылі незвычайна доўгі язык.
«Мы думалі, што яна перарасце яго, але гэтага не адбылося. У яе да гэтага часу велізарны язык у параўнанні з яе целам», — кажа Сэндзі Уільямс.
Па словах пары, Зоўі любяць усе суседзі. На прагулцы ўсе хочуць пагладзіць сабаку.
«Але мы папярэджваем іх загадзя: «Гэй, яна прыязная, але можа абліць вас слінай». Час ад часу яна гэта робіць, і ў выніку застаецца вялікі след ад сліны на чорных штанах».
Чытайце таксама:
Да і пасля: як жыве сабака, які страціў гаспадароў з-за абстрэлу Львоўшчыны
Украінку тры дні не пускалі ў Эстонію. Яна падарожнічала з 40 катамі
Рыбак вылавіў самага вялікага сома ў свеце. Яго даўжыня амаль тры метры





