Як піша The Guardian са спасылкай на выдавецтва, з якім працаваў Мак-Карці, пісьменнік памёр у сваім доме «з натуральных прычын».

Пісьменнік быў вядомы перш за ўсё сваімі раманамі «Дарога», «Крывавы мерыдыян» і «Старым тут не месца» (апошні быў экранізаваны ў 2007 братамі Коэн). Фільм атрымаў чатыры прэміі «Оскар», у тым ліку ў намінацыі «Найлепшы фільм».

Раман Кормака Мак-Карці «Крывавы мерыдыян», выдадзены ў 1985 годзе, унесены ў спіс «100 найлепшых кніг на англійскай мове, выдадзеных у перыяд з 1923 па 2005 год» па версіі часопіса Time. А ў 2006 годзе The New York Times змясціла гэты раман на другое месца ў спісе найлепшых амерыканскіх раманаў, апублікаваных за апошнія 25 гадоў.

Кормак Мак-Карці атрымаў Пулітцэраўскую прэмію і прэмію Джэймса Тэйта Блэка за раман «Дарога». Ягоныя кнігі былі выдадзеныя ў 48 краінах свету.

Па інфармацыі Deadline, Мак-Карці быў закрытым чалавекам і вельмі рэдка даваў інтэрв'ю.

Летась «Дарога» Кормака Мак-Карці была выдадзена выдавецтвам «Янушкевіч» па-беларуску, яе можна набыць праз платформу Allegro.

Чытайце таксама:

Памёр былы прэм’ер-міністр Італіі Сільвіа Берлусконі

У ЗША памёр матэматык, асуджаны на пажыццёвы тэрмін за тэрарызм

Былы футбаліст зборнай Латвіі памёр у 38 гадоў

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?