Яраслаў Качыньскі. Фота: AP Photo/Czarek Sokolowski, File

Яраслаў Качыньскі. Фота: AP Photo/Czarek Sokolowski, File

«У Беларусі новая сітуацыя. Прысутнасць там групы «Вагнер». Мы лічым, што гэта будзе каля васьмі тысяч салдат. Гэта небяспечны для Украіны элемент, патэнцыйна небяспечны для Літвы і можа быць небяспечны для нас. Гэта можа азначаць новы этап гібрыднай вайны. Таму былі прыняты рашэнні адносна ўзмацнення нашай абароны ўсходняй мяжы», — заявіў Яраслаў Качыньскі пасля заканчэння пасяджэння Камітэта бяспекі.

Пад «узмацненнем», як патлумачыў Качыньскі, разумеецца «павелічэнне сіл, якія будуць там пастаянна прысутнічаць, а таксама павелічэнне перашкод і ўмацаванняў, якія павінны абараняць мяжу ў выпадку нападу».

Канкрэтных лічбаў ён не назваў, але гэтае ўзмацненне «павінна быць сур'ёзным».

Пры гэтым Яраслаў Качыньскі падкрэсліў, што імавернасць атакі з беларускага боку ўсё ж такі пакуль ацэньваецца як «малаімаверная»,

але «палітыка бяспекі па сваёй прыродзе арыентаваная на самыя горшыя сцэнары, і, кіруючыся гэтым прынцыпам, мы павінны былі прымаць такія рашэнні».

Качыньскі запэўніў: «Мы будзем гатовыя адбіваць напады нават такой небяспечнай і рашучай групоўкі». 

Чытайце таксама:

Інструктар «Вагнера» з пазыўным «Брэст»: Беларусь — такі ж кірунак, як і іншыя. А мы спатрэбімся перад выбарамі

«Нейкім неверагодным чынам сітуацыя, якая нас не датычыць, стала плюсам для ўсіх, апроч Беларусі». Пра наступствы вагнераўскага мяцяжу

У Белым доме пракаментавалі, ці быў мяцеж «Вагнера» толькі прыкрыццём для яго пераезду ў Беларусь

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?