Чорная варона ў Тураве. Фота: Іна Субоціна

Чорная варона ў Тураве. Фота: Іна Субоціна

Птушку, якая прыляцела на падворак паласавацца рыбнымі вантробамі, заўважыла фатографка-птушніца Іна Субоціна 30 ліпеня ў Тураве: 

«Я сядзела на ганку, убачыла чорную птушку, якая праз хвіліну зляцела з даху на дарогу, куды я ўначы выкінула рыбіны вантробы. Вярнулася ў хату па камеру. Калі пачала падыходзіць, птушка ўзляцела на дах з рыбнымі вантробамі. Паклікала астатніх, хто быў дома, каб паглядзелі.

Фота Іны Субоцінай

Фота Іны Субоцінай

Адразу мільганула думка пра чорную варону: птушка была акурат з варону памерам.

Думалі таксама, што можа быць малады грак. Але калі яна прыляцела зноў, я зрабіла фота ў палёце: па пер'і выглядае дарослай варонай у ліньцы, хвост прамы (у крумкача мае быць рамбаваты).

Фота Іны Субоцінай

Фота Іны Субоцінай

Адправілі арнітолагу ў Францыю здымкі, там чорныя вароны гняздуюцца. І першаснае заключэнне — што гэта чорная варона», — расказвае Іна.

У Беларусі чорная варона была вядомая толькі па дзвюх асобінах, здабытых у 1931 і 1949 гадах у Гродзенскай вобласці.

Многія вучоныя лічаць чорную і шэрую варону падвідамі аднаго віду (да таго ж гэтыя птушкі даюць пладавітыя гібрыды). Але некаторыя сістэматыкі вылучаюць яе ў асобны від.

Чорную варону цяжка адрозніць ад маладога грака.

Малады грак. Фота Аксаны Казаковай

Малады грак. Фота Аксаны Казаковай

Уся інфармацыя пра птушку адпраўленая ў Беларускую арніта-фаўністычную камісію. Толькі пасля разгляду камісіі будзе вынесена рашэнне аб рэгістрацыі.

Чытайце таксама:

У Пінску зафіксавалі першы доказ гнездавання ў нас адной з найменшых птушак у Еўропе

У Швейцарыі загнездаваў рэдкі від птушак, якога тут не было 400 гадоў

З'явіліся цікавыя падрабязнасці сямейнага жыцця белага і чорнага буслоў у Германіі. Іхнія дзеці — «шэрыя»

У Калінкавіцкім раёне пара буслоў здолела выкарміць ажно шэсць птушанят. Гэта рэдкасць

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?