Будынак літоўскага Сейма. Фота: Andrey Rudakov / Bloomberg via Getty Images

Будынак літоўскага Сейма. Фота: Andrey Rudakov / Bloomberg via Getty Images

Чыноўнік зрабіў гэтую заяву, каментуючы інфармацыю Дэпартамента міграцыі пры МУС пра павелічэнне колькасці беларусаў, якія жывуць у Літве. Паводле слоў чыноўніка, калі б парламент прыняў прапанову прэзідэнта Гітанаса Наўседы ўвесці супраць грамадзян Беларусі і Расіі аднолькавыя санкцыі, «гэтая статыстыка выглядала б інакш».

«Як мы бачым, колькасць беларусаў у Літве, якія атрымалі дазвол на жыхарства на той ці іншай падставе, вырасла амаль да 60 тысяч, — цытуе Урбонаса партал навін Delfi. — Толькі сёлета іх колькасць павялічылася амаль на 10 тысяч.

Можна сказаць, што пасля вырашэння гэтага пытання і ўраўноўвання тлумачэння ў дачыненні да грамадзян Расіі і Беларусі — у гэтым выпадку пасля ўраўноўвання ўмоў іх уезду ў Літоўскую Рэспубліку — мы сапраўды зрабілі б вялікі крок наперад».

Урбонас таксама згадаў, што з лістапада мінулага года больш за 1,1 тыс. грамадзян Беларусі і Расіі былі прызнаныя пагрозай нацыянальнай бяспецы, хоць раней міграцыйная служба «прымала ўсяго некалькі такіх рашэнняў за год».

Рашэнне аб ураўноўванні санкцый супраць расіян і беларусаў знаходзіцца ў руках Сейма, а праявіць ініцыятыву павінен урад.

«Прэзідэнт выказвае сваю пазіцыю, ён яе ўжо выказаў. І працягвае выказваць. Мы вельмі спадзяёмся, што гэта будзе ўзята пад увагу», — сказаў Дарыус Урбонас.

Увесну Сейм Літвы прыняў пакет нацыянальных санкцый, якія пераважна для расійскіх грамадзян зрабілі больш строгім парадак уезду і знаходжання на тэрыторыі краіны, а таксама абмежавалі правы. У выніку ажыўленых дыскусій беларусы пазбеглі большасці абмежавальных захадаў.

Гітанас Наўседа наклаў на закон вета, дамагаючыся аднолькавых абмежаванняў для грамадзян Беларусі і Расіі, але парламент адхіліў яго прапановы.

Згодна з новым законам, з 2 мая 2023-га да 3 мая 2024 года для грамадзян Беларусі і Расіі абмежавалі атрыманне літоўскіх віз, электроннага статусу рэзідэнта, а таксама ўвоз імі ўкраінскіх грыўняў.

Для расіян ускладнілі магчымасць набыцця нерухомай маёмасці ў Літве і спынілі прыём заяў на атрыманне дазволаў на жыхарства.

Чытайце таксама:

У парламенце Літвы не бачаць патрэбы пашыраць санкцыі супраць беларусаў

Прэзідэнт Літвы зноў нагадаў пра імкненне зраўняць абмежаванні ў дачыненні да расіян і беларусаў

Я абяцаў жонкам Статкевіча і Бяляцкага, мы не маглі прагаласаваць інакш — дэпутат літоўскага Сейма пра адхіленне вета Наўседы

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?