Жудаснае злачынства адбылося 12 верасня ў вёсцы Броннае. Раніцай паступіла паведамленне пра пажар, на месца выехалі ратавальнікі, міліцыя і хуткая. Адразу стала зразумела — падпал быў наўмысны, паведамляюць Моцныя навіны.

З-за агню сур'ёзна пацярпела 43-гадовая гаспадыня дома, лекары дыягнаставалі каля 60% апёкаў цела. Яна паспела паведаміць, што абліў яе бензінам былы муж, ён жа кінуў запалку. Тут жа ўзяліся за яго пошукі.

Хаваўся 36-гадовы падпальшчык нядоўга, ужо праз некалькі гадзін яго затрымалі ў адным з гаражоў райцэнтра.

Было ўстаноўлена, што муж і жонка даўно ў разводзе, але пражываюць разам. У гэтую раніцу ў іх на глебе рэўнасці былога мужа адбыўся канфлікт. Мяркуюць, што менавіта ў гэты момант ён узяў каністру з бензінам, абліў жанчыну і падпаліў. Сам жа патэлефанаваў у экстранныя службы і кінуўся наўцёкі.

Пацярпелая ў шокавым стане паспела дабегчы да сваёй сяброўкі, дзе распавяла, што адбылося. Тая і выклікала хуткую. Распачатая крымінальная справа, а з жанчынай, спадзяемся, усё будзе добра.

Чытайце таксама:

П'яны 17-гадовы падлетак зладзіў на грузавіку ДТЗ у Магілёве

У Лідзе 63-гадовы сын скраў у 85-гадовай маці 1200 рублёў

У Брэсце трапіў пад аўтобус дзесяцігадовы хлопчык

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?