Хлопец з дзяўчынай знайшлі сто даляраў у пустым кафэ. Супраць іх завялі крымінальную справу
У Заводскае РУУС сталіцы з заявай аб знікненні 100 даляраў звярнуўся мянчук. Міліцыя затрымала 23-гадовага маладога чалавека і яго 19-гадовую прыяцельку, якія забралі грошы з пустога стулу.
На фудкорце аднаго з гандлёвых цэнтраў у мінчука з кішэні выпала 100-даляравая купюра. Мужчына не заўважыў гэтага і сышоў. Неўзабаве на банкноту звярнулі ўвагу хлопец з дзяўчынай, якія іх і забралі.
Заведзена крымінальная справа за крадзеж. Завалоданне пакінутым уласнікам без нагляду кваліфікуецца як крадзеж, нагадвае міліцыя.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
