Мікалай Корбут узбіўся на дом у Драздах падчас працы ў блізкім коле Аляксандра Лукашэнкі

Мікалай Корбут узбіўся на дом у Драздах падчас працы ў блізкім коле Аляксандра Лукашэнкі

У пачатку эпохі Лукашэнкі Мікалай Корбут узначальваў «Дыпсэрвіс» — службу абслугоўвання дыпламатычных прадстаўніцтваў, потым атрымаў павышэнне ў намеснікі кіраўніка справамі Лукашэнкі, пазней стаў там кіраўніком. 

Але пасля быў паніжаны ў галоўныя інспектары па Мінскай вобласці — памочнікі кіраўніка дзяржавы. Пасада памочніка Лукашэнкі — гэта найперш кадравая праца, якая не мае дачынення да фінансаў. 

Вярнуцца ва ўладу Корбуту не ўдалося. У 2018-м яго адправілі на пасаду члена Пастаяннага камітэта Саюзнай дзяржавы. Гэта сінекура: працы ніякай, заробкі расійскага памеру — створаная для прывязкі беларускага чынавенства да расійскага. Але і там Корбут надоўга не затрымаўся, апошняя згадка пра яго на сайце гэтай арганізацыі датуецца тым жа 2018 годам. 

мікалай корбут николай корбут

Мікалай Корбут (злева) падчас працы ў Пастаянным камітэце Саюзнай дзяржавы. Фота: postkomsg.com

Крыніцы расказалі «Нашай Ніве», што Корбут перабраўся жыць у Расію і ўжо не мае патрэбы ў катэджы ў Драздах. 

«Каб дом у Драздах меў сэнс, трэба жыць і працаваць у Мінску, круціцца ў Мінску. Калі тут у цябе асаблівых перспектыў няма, ты ўжо глядзіш у бок Расіі, то што табе тыя Дразды», — сказаў наш суразмоўца з апарату Саўміна. 

Фота: realt.by

Фота: realt.by

Паводле звестак з баз «Белпола», дом Корбута, запісаны на жонку Ларысу, загадчыцу кафедры эканомікі і кіравання прадпрыемствамі АПК факультэта эканомікі і менеджменту БДЭУ, знаходзіцца па вуліцы Рачной, і супадае з лакацыяй і выглядам дома ў абвестцы. 

Двухпавярховы катэдж без архітэктурных вымудраў мае плошчу 437 квадратных метраў, з іх жылых — 130. 

Таму, хто захоча аддаць за яго 9,5 мільёна беларускіх рублёў, магчыма, прыйдзецца ўкласціся і ў інтэр'ер, які не кожнаму будзе даспадобы. 

Фота: realt.by

Фота: realt.by

Фота: realt.by

Фота: realt.by

Сам дом пабудаваны ў 2005 годзе з газасілікатных блокаў. 

У доме ёсць лазня, саўна, невялікі басейн, більярдны пакой. Столі вышэйшыя за тры метры. 

Фота: realt.by

Фота: realt.by

Фота: realt.by

Фота: realt.by

У абвестцы асабліва падкрэсліваецца наяўнасць «рэспектабельных суседзяў». 

Фота: realt.by

Фота: realt.by

Дом Корбута агенцтва называе «домам мары». 

Фота: realt.by

Фота: realt.by

Фота: realt.by

Фота: realt.by

Чытайце таксама:

У Мінску прадаюць колішнюю прыбіральню, пра якую ўжо і забыліся

Названыя найлепшыя архітэктурныя працы Беларусі апошніх гадоў ШМАТ ФОТА

У самым старым драўляным будынку Беларусі з'явіцца музей

У цэнтры Мінска прадаецца закінуты будынак. Каштуе як трохпакаёвая кватэра

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?