Дыпламатычнае прадстаўніцтва КНР на праспекце Пераможцаў. Фота: Павел Русак / Tochka.by

Дыпламатычнае прадстаўніцтва КНР на праспекце Пераможцаў. Фота: Павел Русак / Tochka.by

У Мінску практычна завяршылася ўзвядзенне новага пасольства Кітая. Хоць яшчэ паўтара месяца таму там быў толькі бетонны каркас і кіпелі працы па ашалёўцы будынка.

Цяпер жа вялізны будынак набыў канчатковую форму, а на тэрыторыі прадстаўніцтва вывесілі вялікі сцяг КНР.

У элітным квартале

Будынак, у якім будзе адкрыта новае пасольства Кітая, размяшчаецца паміж ТРЦ «Замак» і пасольствам Казахстана.

Вялізны будынак набыў канчатковую форму. Фота: Павел Русак / Tochka.by

Вялізны будынак набыў канчатковую форму. Фота: Павел Русак / Tochka.by

Аб тым, што Мінск і Пекін выдзеляць адзін аднаму ўчасткі для размяшчэння пасольстваў, было вырашана яшчэ ў 2010 годзе. Тады паміж бакамі было падпісана пагадненне.

Так, артыкул № 1 пагаднення аб узаемным прадастаўленні будынкаў і зямельных участкаў для размяшчэння пасольстваў абвяшчае:

«Беларускі бок прадастаўляе кітайскаму боку ў доўгатэрміновую арэнду тэрмінам на 70 гадоў зямельны ўчастак плошчай 15 000 квадратных метраў, размешчаны па адрасе: г. Мінск, праспект Пераможцаў — вул. Арлоўская, з устанаўленнем арэнднай платы за карыстанне названым участкам 1 долар ЗША ў год для ўзвядзення будынкаў Пасольства Кітайскай Народнай Рэспублікі ў Рэспубліцы Беларусь, рэзідэнцыі пасла, кватэр супрацоўнікаў пасольства і іншых дапаможных будынкаў».

Узамен Мінск таксама атрымаў у Пекіне тэрыторыю, але меншую. Вось вытрымка з таго ж артыкула № 1: «Беларускаму боку ў доўгатэрміновую арэнду тэрмінам на 70 гадоў пабудовы і прылеглы да іх зямельны ўчастак, размешчаны па адрасе: г. Пекін, вул. Жы Тань Лу, Дун І Цзэ, 1 (плошча будынкаў — 1961 квадратны метр, плошча зямельнага ўчастка — 4797 квадратных метраў), з устанаўленнем арэнднай платы за карыстанне названымі пабудовамі і зямельным участкам 1 долар ЗША ў год для размяшчэння Пасольства Рэспублікі Беларусь у Кітайскай Народнай Рэспубліцы». 

У кітайскім стылі і за электрычным плотам

Будоўля пасольства на праспекце Пераможцаў пачалася летам 2019 года.

На плошчы 1,5 га работы вяліся актыўна, у выніку тут узвялі «горад». Гэта значыць, не проста асобна стаіць будынак, а комплекс будынкаў, дзе знайшлося месца і для жылля супрацоўнікам дыпламатычнай місіі.

Архітэктура пасольства цалкам сабе кітайская. Высокі вуглаваты будынак у чорна-чырвоных колерах.

Будынак пасольства — у чорна-чырвоных колерах. Фота: Павел Русак / Tochka.by

Будынак пасольства — у чорна-чырвоных колерах. Фота: Павел Русак / Tochka.by

Тэрыторыя больш падобная да непрыступнай крэпасці або кітайскай сцяны.

Апроч таго, што перыметр абгароджаны высокім цагляным плотам, які нават двухмятровы чалавек пры ўсім жаданні не пераскочыць, зверху агароджа абнесена некалькімі шэрагамі дроту пад напругай. Аб гэтым сведчаць папераджальныя знакі.

Таксама на тэрыторыі ўстаноўлена вялікая колькасць відэакамер.

Фота: Павел Русак / Tochka.by

Фота: Павел Русак / Tochka.by

А яшчэ на плот прымацавалі дадатковае асвятленне — у выглядзе кітайскіх ліхтароў. 

Будаўніцтва кітайскага пасольства планавалі завяршыць у гэтым годзе. Пакуль жа ведамства размяшчаецца ў непрывабным будынку на вуліцы Берасцянскай.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?