Фота: Асвод

Фота: Асвод

30 кастрычніка пры правядзенні трэніровачных апусканняў вадалаз Заходняй выратавальнай станцыі Аляксей Яшкін выявіў на дне ракі Сож два прадметы, падобныя да костак. Яны знаходзіліся на глыбіні некалькіх метраў і былі пакрытыя часткова глеем. Косткі ўдалося падняць і даставіць на сушу, паведамляе мясцовая суполка Асвода.

Тэорыі былі розныя: мамант, алень, бізон ці нават насарог. Па дапамогу ў вызначэнні прыналежнасці костак Асвод звярнуўся ў Гомельскі палацава-паркавы ансамбль.

Фота: Асвод

Фота: Асвод

«Знойдзеныя парэшткі належаць бізону, які мог тут жыць 10-20 тысяч гадоў таму. Адна з іх — локцевая костка разам з прамянёвай, а другая — частка груднога пазванка», — распавёў загадчык аддзела археалогіі і аховы гісторыка-культурнай спадчыны Юрый Панкоў.

Таксама, са слоў спецыяліста, на ўскраінах Гомеля знаходзілі косткі ляснога слана, мамантаў, насарогаў, паўночных аленяў і нават пячорнага льва. Больш за ўсё знаходак было ў 2000-я гады — падчас будаўніцтва новага мікрараёна Шведская горка.

Фота: Асвод

Фота: Асвод

Часцей за ўсё астанкі ў выглядзе костак і нават цэлых чэрапаў знаходзілі ў рэчышчах і намытым пяску з вадаёмаў, так як гэта — адно з найлепшых асяроддзяў, у якой добра захоўваюцца косткі.

Знаходкі былі перададзеныя ў музей.

Фота: Асвод

Фота: Асвод

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?