Вольга Класкоўская застанецца ў турме на 7 год
Апеляцыйны суд зменшыў пакаранне грамадзянцы Вользе Класкоўскай на адзін год зняволення.
05.11.2013 / 13:34
Такое рашэнне абвясціў сёння апеляцыйны суд. Класкоўскую абвінавацілі ў замаху на забойства мужа — шведскага грамадзяніна турэцкага паходжання Гёкая Бэзгіна.
Ацэнка дзеянням Вольгі Класкоўскай засталася ранейшай. Пакаранне змякчылі, бо было высветлена, што Вольга доўгі час жыла ў стане псіхалагічнага стрэсу і прэсінгу.
Грамадзянку Беларусі Вольгу Класкоўскую затрымалі ў Швецыі 30 сакавіка. Суд, які адбыўся 23 жніўня, прысудзіў Вользе восем гадоў турмы. Таксама яна павінна выплаціць былому мужу кампенсацыю ў 110 тысяч шведскіх крон.