137 kiroŭcaŭ paŭtorna zatrymana ŭ Biełarusi za jazdu ŭ niecviarozym stanie
Častka spraŭ užo razhledžanaja i nakiravanaja ŭ sud, infarmuje telekanał «Biełaruś 1».
15.11.2013 / 09:11
U sieradu ŭ adnaho takoha parušalnika minski sud kanfiskavaŭ aŭtamabil «Fijat». Heta pieršy taki vypadak paśla taho, jak nabyŭ moc zakon ab kanfiskacyi aŭto ŭ niecviarozych kiroŭcaŭ.
Minskija DAIšniki nakiravali ŭ Śledčy kamitet adpaviednyja dakumienty na jašče 10 «paŭtornikaŭ». Heta realnyja kandydaty na kanfiskacyju aŭtamabilaŭ.
Ale ŭ staličnym DAI nie vyklučajuć, što paśla analizu statystyki zatrymańniaŭ niecviarozych kiroŭcaŭ ciaham hoda ich kolkaść pavialičycca.
Źmieny ŭ biełaruskim zakanadaŭstvie, pavodle jakich za paŭtornaje na praciahu hoda kiravańnie ŭ niecviarozym vyhladzie kiroŭcy mohuć pazbavicca aŭtamabila, ŭstupili ŭ siłu 24 kastryčnika. Prajšło try tydni, ale DAI ŭžo adznačaje, što pjanych za rulom stała mienš. Tak, raniej za sutki pa krainie ŭ siarednim zatrymlivałasia kala 100 takich parušalnikaŭ. U apošnija dni hetaja ličba skaraciłasia da 60-70 čałaviek