У праваслаўных сёння пачынаецца Калядны пост
28.11.2013 / 09:10
У праваслаўных вернікаў сёння пачынаецца Калядны пост. Ён прысвечаны святу Раства і доўжыцца 40 дзён.
Галоўнай мэтай посту, які папярэднічае вялікаму хрысціянскаму святу Нараджэння Хрыстова (у праваслаўных яно адзначаецца 7 студзеня), з'яўляецца духоўнае ачышчэнне чалавека праз пакаянне і малітву.
Запускі на Калядны пост прыпадаюць на дзень памяці святога апостала Піліпа, таму гэты пост яшчэ называюць Піліпаўскім (Піліпаўка).
У грэка-каталікоў пост пачаўся ў мінулую нядзелю, Адвэнт у рыма-каталікоў пачнецца 1 снежня.