Расія аднаўляе пастаўку ўкраінскіх цукерак Roshen
28.11.2013 / 14:11
Украінская кандытарская карпарацыя Roshen можа аднавіць пастаўкі сваёй прадукцыі на расійскі рынак да 1 снежня.
Пра гэта заявіў кіраўнік Дзяржспажыўінспекцыі Украіны Сяргей Арэхаў па выніках перамоваў з Расспажыўнаглядам.
У расійскім ведамстве пакуль не пракаментавалі словы Арэхава.
Некалькі дзён таму ў Расспажыўнаглядзе паведамілі, што дамовіліся з украінскімі калегамі аб вырашэнні пытання з пастаўкамі прадукцыі Roshen. Аднак канкрэтныя тэрміны тады не называліся.
Пастаўкі кандытарскіх вырабаў Roshen, выпушчаныя на ўкраінскіх фабрыках кампаніі, былі забароненыя Расспажыўнаглядам у ліпені. У ведамстве патлумачылі сваё рашэнне павышаным утрыманнем у ласунках канцэрагеннага рэчыва бензапірэну. Пры гэтым да прадукцыі Roshen, выпушчанай на расійскай фабрыцы кампаніі, у Расспажыўнагляда прэтэнзій не ўзнікла.