Сярэдняя наведвальнасць ЧБ па футболе — 2 127 чалавек
02.12.2013 / 15:16
Учора скончыўся чэмпіянат Беларусі па футболе. Сярэдняя наведвальнасць заключнага тура склала 1433 чалавекі.
Усяго цяперашні чэмпіянат наведалі 408 тыс. 300 чалавек. Сярэдняя наведвальнасць першынства склала 2127 чалавек. Гэта на 4% больш у параўнанні з мінулым сезонам.
Сярэдняя наведвальнасць першага этапу 2 325 чалавек. Другога - 1691.
Сярэдняя наведвальнасць камандаў першай шасцёркі склала 2 593 гледачы. Другой — 788 чалавек.