Siamja zabyła ŭ vazku dla praduktaŭ partfiel z 10 tys. dalaraŭ
05.02.2014 / 12:49
U Minska na stajancy kala adnaho z dyskaŭntaraŭ siamja zabyła partfiel z dakumientami i miesiačnaj vyručkaj pradprymalnika 10 tys. dalaraŭ.
Hrošy mužčyna pavinien byŭ u hety dzień zdać u bank. Ale paśla šopinhu z žonkaj zabyŭ partfiel u vazku dla tavaraŭ.
Žonka paciarpiełaha Halina raskazvaje: «Kali my vyhruzili pradukty, u vazku na ručcy visieŭ partfiel. U partfieli byli dakumienty na mašynu, techpašpart, transpartnyja nakładnyja, muž pracuje IP, i była vielmi vialikaja suma hrošaj. Kali my zahruzilisia, to pa svajoj niaŭvažlivaści zabylisia partfiel».
Pryjechaŭšy dadomu, Halina z mužam pačali šukać partfiel. Nie znajšoŭšy prapažy, siamja viarnułasia ŭ hipiermarkiet. Ale na parkoŭcy vazka ŭžo nie było. Jany źviarnulisia ŭ milicyju i achovu dyskaŭntara.
Akazałasia, što partfiel spačatku zaŭvažyła žančyna. Prykładna ŭ hety momant da jaje padbieh mužčyna z čornaha BMV i, mabyć, skazaŭ, što heta jon zabyŭ sakvajaž. Zatym kiemlivy kiroŭca śpiešna zanios znachodku ŭ mašynu.
Śpiašacca jamu ŭžo nie było kudy. Miarkujučy pa kadrach sistemy videanazirańnia, jon z žonkaj adpraviŭsia na zakupy.
Ciapier apieratyŭniki Minskaha rajona šukajuć ludziej z čornaha BMV. Za ŭčynieńnie kradziažu ŭ asabliva bujnym pamiery hetym ludziam pahražaje da 12 hadoŭ pazbaŭleńnia voli.
Usich, chto paznaŭ hetych ludziej, u milicyi prosiać patelefanavać (029) 317-73-93, 195-70-02 abo 102.
Haspadary źnikłych hrošaj abiacajuć za infarmacyju ŭznaharodžańnie.