У Барыспалі актывісты разнеслі шэсць аўтобусаў з крымскімі наёмнікамі

19.02.2014 / 23:02

У Барыспалі актывісты з бітамі разбілі і не пусцілі ў Кіеў шэсць аўтобусаў з міліцыянтамі і работнікамі падатковай службы ў грамадзянскай вопратцы. Пра гэта гаворыцца ў сюжэце ўкраінскага тэлеканала 1+1.

Машыны з крымскімі міліцыянтамі і падаткавікамі рухаліся ў бок сталіцы. Мужчыны і жанчыны ў касках, з бітамі і палкамі перакрылі галоўную вуліцу Барыспаля, атачылі аўтобусы і пачалі выбіваць шкло, праколваць колы і даставаць з аўтобусаў дакументы сілавікоў.

Сярод «трафеяў» актывістаў — міліцэйская форма, кайданкі, крэдытныя карткі, баявыя кулі і звычайнае мужчынскае адзенне. Аўтобусы паехалі ў зваротным ад Кіева кірунку.