У Вярхоўнай Радзе створаная кааліцыя «Еўрапейскі выбар» — 250 дэпутатаў
27.02.2014 / 15:54
У Вярхоўнай Радзе стварылі новую кіруючую кааліцыю «Еўрапейскі выбар».
Аб стварэнні кааліцыі абвясціў на пасяджэнні спікер парламента Аляксандр Турчынаў.
Ён паведаміў, што кааліцыю стварылі фракцыі «Бацькаўшчына», «УДАР», «Свабода» і дэпутацкія групы «Эканамічнае развіццё» і «Суверэнная еўрапейская Украіна».
Усяго пагадненне аб стварэнні кааліцыі падпісалі 250 дэпутатаў.
Як паведаміў Турчынаў, колькасць дэпутатаў у кааліцыі можа павялічыцца за кошт нардэпаў, якія зараз знаходзяцца за межамі Кіева.