Генпракуратура Украіны прызнала выдуманыя рэспублікі тэрарыстычнымі арганізацыямі
16.05.2014 / 21:15
Генпракуратура Украіны прызнала самаабвешчаныя Данецкую народную рэспубліку (ДНР) і Луганскую народную рэспубліку (ЛНР) тэрарыстычнымі арганізацыямі.
Пра гэта ў пятніцу заявіў першы намеснік генпракурора Мікалай Галомша ў эфіры 5 канала.
Паводле слоў першага намесніка генпракурора, у адпаведнасці з матэрыяламі, якія ёсць у распараджэнні ГПУ, у рамках дасудовага следства ўстаноўлены факты фінансавання баевікоў з ДНР і ЛНР, і цяпер устанаўліваецца дачыненне незаконных узброеных фарміраванняў да злачынстваў супраць дзяржавы і насельніцтва.
Як вядома, у новым дакладзе Вярхоўнага камісара ААН па правах чалавека Наві Пілай гаворыцца, што сепаратысты на ўсходзе Украіны «добра арганізаваныя і ўзброеныя» і вінаватыя ў «мэтанакіраваных забойствах, катаваннях, збіваннях, выкраданнях, запалохванні «.