У Мінску не дазволілі мітынг у падтрымку Украіны
28.05.2014 / 18:54
Партыя БНФ падала ў Мінгарвыканкам заяўку аб правядзенні мітынгу ў падтрымку тэрытарыяльнай цэласнасці і незалежнасці Украіны.
Намеснік старшыні Партыі БНФ Ігар Лялькоў прасіў мінскія ўлады дазволіць правядзенне мітынгу 28 мая ад 18 да 19.30 ля помніка Тарасу Шаўчэнку.
У лісце за подпісам першага намесніка старшыні Мінскага выканаўчага камітэту Ігара Карпенкі паведамляецца, што правядзенне мітынгу не дазволенае ў сувязі з тым што «на месцы перасячэння вуліц Кісялёва і Старавіленскай, у Сцяпанаўскім садзе каля помніка Тарасу Шаўчэнку, запланаванае іншае мерапрыемства». Што гэта за «іншае мерапрыемства» — не ўдакладняецца.