U Biełarusi źniknie rekłama elektronnych cyharet
23.10.2014 / 16:30
U Biełarusi źniknie rekłama elektronnych cyharet. Ab hetym paviedamiła kansultant upraŭleńnia abarony pravoŭ spažyŭcoŭ i kantrolu za rekłamaj Ministerstva handlu Ina Haŭrylčyk.
«Zhodna z papraŭkami ŭ zakon ab rekłamie, pryniatymi deputatami Pałaty pradstaŭnikoŭ učora na pasiadžeńni ŭ pieršym čytańni, zabaroniena rekłamavać lubyja tavary, jakija svajoj nazvaj abo źniešnim vyhladam padobnyja da ałkaholnych i tytuniovych vyrabaŭ. Heta značyć, kali dakumient ustupić u siłu, źniknie rekłama elektronnych cyharet, nielha budzie rekłamavać, naprykład, tavar, jaki maje ŭpakoŭku, identyčnuju ŭpakoŭcy cyharet», — rastłumačyła Ina Haŭrylčyk.
Jana nahadała, što, u adpaviednaści z zakanadaŭstvam, na siońniašni dzień elektronnyja cyharety nie źjaŭlajucca tytuniovymi vyrabami. «Ale prablema ź imi jość: jašče nichto nie dakazaŭ, što jany biasškodnyja. My heta pytańnie ščylna prapracoŭvali ź Ministerstvam achovy zdaroŭja, dzie nam paviedamili, što nijakich navukova abhruntavanych dokazaŭ taho, što elektronnaja cyhareta biaśpiečnaja dla zdaroŭja i što jana dapamahaje kinuć kuryć, niama», — skazała kansultant upraŭleńnia abarony pravoŭ spažyŭcoŭ i kantrolu za rekłamaj.