Першы ў Беларусі помнік Максіму Танку адкрыюць 6 лістапада ў Мядзеле
25.10.2014 / 17:29
Помнік паэту паставяць 6 лістапада на плошчы Шаранговіча, недалёка ад Дома культуры.
Пра гэта парталу Край.бай распавяла начальнік аддзела ідэалогіі, культуры і па справах моладзі Мядзельскага райвыканкама Ірына Пазняк.
У мерапрыемстве прымуць удзел работнікі раённага выканаўчага камітэта, музейныя работнікі. Плануецца таксама прысутнасць вядомага мядзельца — мастака Васіля Шаранговіча.
У гэты ж дзень у раёне старога ваенкамата (вуліца Крупскай) пройдзе закладка капсулы пад будаўніцтва дома-музея Максіма Танка.
Пасля афіцыйнай часткі ўсіх чакае канцэрт, які пройдзе ў Гарадскім доме культуры.