Апазіцыйныя нацыяналісты ў Маскве спалілі сцяг «Наваросіі»
05.11.2014 / 10:09
4 лістапада Расія адзначала гадавіну вызвалення Масквы ад беларуска-польска-ўкраінскіх войскаў у XVII стагоддзі.
У сталіцы РФ прайшлі шматлікія масавыя акцыі розных палітычных сілаў.
Актывісты так званага «Нацыянал-рэвалюцыйнага блока» і некаторыя іншыя нацыяналістычныя арганізацыі наладзілі няўзгодненае з уладамі шэсце па Маскве. Яно адбылося ў раёне Пакроўскага бульвара.
У руках юнакі неслі банер з лозунгам украінскіх нацыяналістаў, на ўкраінскай мове «Свабода народам! Свабода чалавеку!», скандуючы пры гэтым антываенныя лозунгі. На мерапрыемстве быў спалены сцяг так званай «Наваросіі», як у Расіі называюць рэгіёны Украіны, якія хочуць далучыць.
Пра гэта гаворыцца на старонцы аб'яднання «Укантакце».