U «DNR» i «ŁNR» chočuć pierahledzieć minski pratakoł ab spynieńni ahniu
05.11.2014 / 10:29
Sieparatysty z samaabvieščanych Danieckaj i Łuhanskaj «narodnych respublik» zajaŭlajuć, što admiena Kijevam zakona ab asablivym statusie Danbasa nanosić škodu mirnamu pracesu, i nastojvajuć na pierahladzie minskaha pratakoła.
«Vidavočna, što jaho redakcyja pavinna być pierahledžana. DNR i ŁNR nie mohuć dziejničać na padstavie dakumienta, ź jakoha Parašenka vyklučyŭ pryncypova važnyja punkty. My hatovyja pracavać nad novaj redakcyjaj pratakoła», — havorycca ŭ zajavie sieparatystaŭ.
Napiaredadni Rada nacyjanalnaj biaśpieki i abarony Ukrainy rekamiendavała prezidentu krainy ŭnieści ŭ parłamient zakonaprajekt ab admienie asablivaha režymu samakiravańnia ŭ asobnych rajonach Danieckaj i Łuhanskaj abłaściej.
Raniej Parašenka zajaŭlaŭ, što praviadzieńnie ŭ Danbasie «psieŭdavybaraŭ» tarpiedavała hety zakon i rezka abvastryła situacyju.