Kierčanskaja pieraprava znoŭ nie dziejničaje z-za mocnaha vietru
28.12.2014 / 12:20
Kierčanskaja pieraprava prypyniła pracu z-za niespryjalnych umoŭ nadvorja. Pra heta karespandentu «Haziety.Ru» paviedamili ŭ pres-słužbie HU MNS RF pa Krasnadarskim krai.
Adznačajecca, što pieraprava moža być adkrytaja ŭ druhoj pałovie dnia 28 śniežnia.
Učora, 27 śniežnia, na Kierčanskaj pierapravie było abvieščana štarmavoje papiaredžańnie. «Čakajecca mocny liŭnievy doždž, mokry śnieh, uzmacnieńnie vietru da 12—17 m/s», — havaryłasia ŭ paviedamleńni.
U porcie Kaŭkaz svajoj čarhi na parom čakali kala 270 lehkavych i 90 hruzavych aŭtamašyn, u porcie Krym — kala 5 lehkavych i 30 hruzavych aŭtamašyn.
Za papiarednija, da zakryćcia, sutki praz Kierčanski praliŭ było pieravieziena 1563 aŭtamašyny.