1 studzienia ŭ Minsku prajšoŭ pravasłaŭny chrosny chod cviarozaści FOTA
04.01.2015 / 13:33
U pieršuju ranicu 2015 hoda kala staličnaha prychodu ŭ honar ikony Božaj Maci «Nieŭpivalnaja Čaša» sabralisia ŭdzielniki pravasłaŭnaha chrosnaha chodu cviarozaści.
Pierad jaho pačatkam byŭ adsłužany malebien pierad ikonaj śviatoha pakutnika Vanifacyja z čaścinkaj jaho moščaŭ. Uziać udzieł u chrosnym chodzie pryjšli tyja, kaho zakranuła prablema ałkaholnaj i narkatyčnaj zaležnaści, chto nieabyjakavy da pytańnia vychavańnia maładoha pakaleńnia na asnovach cviarozaści.
1 studzienia — dzień pamiaci śviatoha pakutnika Vanifacyja, jaki zjaŭlajecca niabiesnym zastupnikam i chadajnikam da Hospada ab usich ludziach, chto pakutuje ad ałkaholnaj i narkatyčnaj zaležnaści. Chresny chod prajšoŭ ź ikonaj śviatoha Vanifacija z čaścinkaj jaho moščaŭ, śpiecyjalna dastaŭlenaj u prychod ikony Božaj Maci «Nieŭpivalnaja Čaša».
Tradycyja ažyćciaŭlać u Minsku chresnyja chody ranicaj 1 studzienia biare pačatak z 2011 hoda.