Biełaruskija banki masava adnaŭlajuć valutna-abmiennyja apieracyi pa rublovych kartkach
26.01.2015 / 19:47
Biełaruskija banki masava adnaŭlajuć valutna-abmiennyja apieracyi pa kartkach, vypuščanych da rachunkaŭ u biełaruskich rublach.
lifehacker.com
Tak, praŭleńnie ZAT «MTBank» pryniało rašeńnie ab pavieličeńni limitaŭ pry vykarystańni rublovych bankaŭskich kartak za miažoj. Z 26 studzienia trymalniki takich kartak zmohuć raźličvacca za pakupki i pasłuhi na sumu, ekvivalentnuju Br7,5 młn u dzień. Heta ž datyčycca i apieracyj z zamiežnymi internet-mahazinami. Akramia taho, praŭleńniem banka pavialičany tydniovy limit pa raźliku rublovaj kartkaj za miažoj, roŭny Br30 młn. Limit na źniaccie najaŭnych srodkaŭ z rublovych kartak za miažoj ustanoŭleny ŭ pamiery, ekvivalentnym Br4,5 młn u dzień i Br15 młn u tydzień.
Bank VTB z 27 studzienia pavialičvaje limit na ažyćciaŭleńnie zamiežnych valutna-abmiennych apieracyj pa rublovych kartkach Visa. Sutačny limit, jaki raniej składaŭ 300 jeŭra, ustanoŭleny ŭ pamiery 500 jeŭra (pa apieracyjach u inšych valutach — u ekvivalencie). Dastupny apieracyi apłaty tavaraŭ, pasłuh i źniaćcia najaŭnych srodkaŭ u valucie, prainfarmavali ŭ banku, udakładniŭšy, što źniaccie najaŭnych u rasijskich rublach nie mahčyma.
AAT «Bank Maskva-Minsk» taksama adnaviła valutna-abmiennyja apieracyi pry vykarystańni kartak banka, vypuščanych da rachunkaŭ u biełaruskich rublach.
Niekatoryja biełaruskija banki (Biełahraprambank, BPB-Aščadbank, Alfa-bank) raniej źniali častku abmiežavańniaŭ pa bieznajaŭnych valutna-abmiennych apieracyjach.
Abmiežavańni byli ŭviedzieny bankami ŭ śniežni minułaha hoda z-za niestabilnaści na finansava-ekanamičnym rynku krainy.