Uładzimir Makiej 5—8 lutaha naviedaje Bierlin i Miunchien
05.02.2015 / 11:58
Ministr zamiežnych spraŭ Biełarusi Uładzimir Makiej 5—8 lutaha zrobić vizit u Bierlin i Miunchien.
Pra heta paviedamiŭ siońnia žurnalistam načalnik upraŭleńnia infarmacyi — pres-sakratar MZS Dźmitryj Mirončyk.
Dźmitryj Mirončyk adznačyŭ, što ŭ ramkach raźvićcia biełaruska-hiermanskich adnosin u palityčnaj, handlova-ekanamičnaj śfierach 5 lutaha adbudziecca sustreča kiraŭnika biełaruskaha źniešniepalityčnaha viedamstva z pradstaŭnikami hiermanskich dziaržaŭnych orhanaŭ, dziełavych kołaŭ i ekśpiertnaj supolnaści.
Uładzimir Makiej voźmie ŭdzieł u 51-j Miunchienskaj kanfierencyi pa pytańniach biaśpieki. Ministr taksama praviadzie dvuchbakovyja sustrečy z metaj abmierkavańnia pytańniaŭ raźvićcia palityčnych i handlova-ekanamičnych adnosin jak z Hiermanijaj, tak i ź inšymi zamiežnymi partniorami Biełarusi.