Страхавая кампанія прадставіла рэкламу, якую немагчыма прапусціць
На Youtube нельга не паслухаць рэкламу з ролікаў Unskippable — уся інфармацыя змяшчаецца ў 5 секунд.
05.03.2015 / 15:46
«Вы не можаце прапусціць гэтую рэкламу, бо яна ўжо скончылася», — кажа дыктар у роліку.
Голас за кадрам не хлусіць: Youtube дае магчымасць прапусціць непажаданую і нецікавую рэкламу пасля 5 секунд роліка. Але страхавая кампанія Geiko палічыла, што 5 секунд дастаткова для рэкламы.
Ролікі Gieco доўжацца паўхвіліны-хвіліну. За першыя 5 секунд героі прамаўляюць рэкламную фразу, а далей заміраюць. Карцінка не спыняецца — акторы намагаюцца не рухацца, нягледзячы на тое, што адбываецца вакол.