Pamior piśmieńnik Tery Pratčet

Na 67-m hodzie žyćcia pamior anhlijski piśmieńnik-fantast Tery Pratčet. Ab hetym paviedamlajecca na jaho aficyjnaj staroncy ŭ Facebook.

12.03.2015 / 18:35

«Ź biaskoncym škadavańniem paviedamlajem, što ser Tery Pratčet pamior. Śviet straciŭ adnaho z samych jaskravych, daścipnych ludziej. Spačyvaj ź miram, Tery Pratčet», — skazana ŭ paviedamleńni.

Najbolšuju viadomaść Pratčetu prynios cykł ab Płoskim śviecie. Knihi z hetaj sieryi razyšlisia nakładam bolš za 50 miljonaŭ asobnikaŭ. Tery Pratčet źjaŭlajecca rycaram ordena Brytanskaj impieryi.