ФОТА: Беспілотнік Facebook раздае бясплатны інтэрнэт
Марк Цукерберг пахваліўся новай цацкай.
27.03.2015 / 14:59
Фота: Марк Цукерберг
Заснавальнік Facebook Марк Цукерберг паведаміў аб першым палёце беспілотнага самалёта праекту Internet.org, у межах якога краінам трэцяга свету будзе раздавацца бясплатны доступ у інтэрнэт.
Самалёт мае размах крылаў як у Boeing 737, але важыць як легкавы аўтамабіль. Замест паліва — сонечная энергія.
Апарат можа няспынна лётаць некалькі месяцаў на энергіі ад сонечных батарэй на крылах. Рабочая вышыня — 18 км.
Такія беспілотнікі забяспечаць інтэрнэтам самыя аддаленыя і цяжкадасяжныя раёны планеты.
***
У межах Internet.org жыхары бедных краін атрымліваюць бясплатны доступ да Вікіпедыі, Facebook, анлайн-бібліятэкі, навін, прагнозу надвор’я, сайтаў пошуку працы і іншых інтэрнэт-сервісаў. Сэрвіс ужо запушчаны праз наземныя камунікацыі ў некаторых штатах Індыі.
Аналагічную ідэю, Project Loon, рэалізуе Google. У яе межах жыхароў бедных краін мяркуецца забяспечыць інтэрнэтам з паветраных шароў.