U «Halerei Ŭ» prajšła prezientacyja hadzińnikaŭ z nacyjanalnym arnamientam «Chvilina» FOTY
Kampanija «Chvilina» abvieściła ab starcie prodažaŭ «vyšyvanych» hadzińnikaŭ «Poviaź času» i «Vieršnik 1588». Prezientacyja limitavanaj partyi novych hadzińnikaŭ prajšła padčas zaniatkaŭ «Mova nanova» u aŭtorak uviečary ŭ «Halerei Ŭ».
30.03.2015 / 21:19
Papiarednie zamović hadzińniki sa źnižkaj 5% možna było na sajcie chvilina.by. Da ŭvahi hledačoŭ byli pradstaŭleny dva varyjanty hadzińnikaŭ — «Poviaź času» i «Vieršnik 1588». Adna ź śpiecyfikacyjaŭ madeli — «Poviaź času», maje mužčynski (košt - 1,5 młn rubloŭ) i žanočyja varyjanty (1,25 młn). Usie hadzińniki akazalisia z kvarcavym miechanizmam.
Sieryja «Vieršnik» limitavanaja — tolki 300 hadzińnikaŭ. Ale i košt značna vyšejšy — 3,3 młn rubloŭ. Takaja summa skłałasia z-za srebnaha pakryćcia hadzińnika (kala 2 hramaŭ), sapfiravaha škła i šviejcarskaha miechanizma «Ronda».
Jak raskazaŭ na prezientacyi hadzińnikaŭ dyrektar kampanii «Chvilina» Andrej Haraŭski, dyzajn hadzińnikaŭ abirali praź internet-hałasavańnie na sajcie «Mova Nanova». A hałoŭnaj metaj kampanii było stvaryć jakasny biełaruski pradukt z nacyjanalnymi matyvami i simvolikaj dla samaj hustoŭnaj aŭdytoryi.
Sieryja «Poviaź času». U čornym skuranym ramieńčyku — mužčynski varyjant.
Sieryja «Vieršnik» limitavanaja — tolki 300 hadzińnikaŭ.
Žanočaja sieryja «Poviaź času».
Sieryja «Vieršnik» maje srebnaje pakryćcio, sapfiravaje škło i šviejcarski miechanizm Ronda.
Na advarotnym baku hadzińnika sieryi «Vieršnik» cytata ź vierša Maksima Bahdanoviča «Pahonia».
Limitavanaja sieryja «Vieršnik» u futarale.
Padčas prezientacyi hadzińnikaŭ kampanii «Chvilina» na kursach «Mova nanova».
Dyrektar kampanii «Chvilina» Andrej Haraŭski.