Былы «міністр» абароны «ЛНР» затрыманы ў Санкт-Пецярбургу
01.04.2015 / 13:36
Былы міністр абароны самаабвешчанай Луганскай народнай рэспублікі (ЛНР) Алег Бугроў затрыманы супрацоўнікамі ФСБ у Санкт-Пецярбургу.
Бугроў, па дадзеных «Фантанкі. Ру», падазраецца ў пастаўцы кампаніі ў Усць-Лузе, якая ўваходзіць у холдынг Генадзя Цімчанкі, «былых ва ўжыванні і кантрафактных »труб. Якую ролю адыграў Бугроў у гэтай справе, не ўдакладняецца.
Экс-міністр абароны ЛНР, паведамляе выданне, змешчаны ў следчы ізалятар на Шпалернай вуліцы, які фармальна належыць Мінюсту, аднак выкарыстоўваецца ФСБ.