Top-100 samych upłyvovych biełarusaŭ. 10. Viktar Šejman

05.04.2015 / 18:31

10 (10). Viktar Šejman

Kiraŭnik spravaŭ prezidenta.

Byŭ niejki pieryjad, kali zdavałasia, što Šejmana ŭžo nie viernuć u palityčnuju elitu krainy. Vybuch 2008 hoda byŭ zručnaj nahodaj, kab pazbavicca ad «tyhra», jak mnohija za vočy nazyvajuć Šejmana. Ale prajšło ŭsiaho paru miesiacaŭ, jak jahonyja dośvied i chitraść znoŭ stali zapatrabavanymi na samym viersie.

Siońnia Šejman nie vyhladaje takim usiomahutnym, jak hadoŭ dziesiać tamu, ale jaho «złaviesnaja cień» pa-raniejšamu prysutničaje na naradach siłavikoŭ i vajskovych paradach. Siońnia Šejman, zdajecca, užo kančatkova razhrob «aŭhijevy stajni» Kiraŭnictva spravaŭ prezidenta. Jamu chapaje času navat na łacinaamierykanskija turne, a heta značyć, što pierad im mohuć pastavić novyja zadačy.

Cytata

«Uha Čavies byŭ adnym z najvialikšych dziaržaŭnych i hramadskich dziejačaŭ, sapraŭdnym lidaram nacyi z ułaścivymi jamu vysokaj erudycyjaj, dzivosnaj charyzmaj, žyćciaradasnaściu».

Paśla śmierci prezidenta Vieniesueły.

Abjektyŭka

Nar. u 1958 u vioscy Sałtaniški (Voranaŭski rajon). Słužyŭ u Savieckaj Armii, u tym liku ŭ Afhanistanie. Deputat Viarchoŭnaha Savieta ad Bresckaj vobłaści (1990—1995), dziaržaŭny sakratar Rady biaśpieki (1994—2000 i 2006—2008), hienieralny prakuror (2000—2004), kiraŭnik Administracyi prezidenta (2004—2006). Uznačalvaŭ pieradvybarny štab Łukašenki na prezidenckich vybarach. Byŭ pamočnikam pa asablivych daručeńniach. Ad studzienia 2013 — kiraŭnik spravaŭ prezidenta.

* * *

Čytajcie taksama:

Piać faktaŭ pra Viktara Šejmana

* * *