Скот Келі і самы касмічны твітар ФОТА
Келі разам з расійскім калегам правядзе на МКС цэлы год. На зямлі яго будзе чакаць брат-блізнюк і генетыкі.
07.04.2015 / 20:55
У канцы сакавіка Скот Келі адправіўся на МКС разам з двума расійскімі касманаўтамі.
Келі ўжо публікуе незямныя фота ў сваім твітары @StationCDRKelly з хэштэгам #YearInSpace.
Ён і Міхаіл Карніенка правядуць на арбіце роўна год, каб навукоўцы маглі даследаваць уплыў касмічных умоў на чалавека напярэдадні палёту на Марс.
Першае сэлфі на новым працоўным месцы
Ранішняя кава і навіны
Прывітанне Х’юстану
Аўстралія
Віншаванне з Вялікаднем
Марк, брат-блізнюк Скота Келі, застаўся на Зямлі — па вяртанні Скота медыкі і генетыкі параўнаюць стан братоў. Балазе Марк ужо чатыры разы лётаў у космас і правёў там сумарна 54 дні.
***
Не адзін Келі твіціў з космасу на Зямлю — многія астранаўты ў вольны час звязваюцца з домам і фанатамі праз сацсеткі.
Магчыма, найбольшай папулярнасцю карыстаўся твітар канадца Крыса Хэдфілда, які падчас сваёй апошняй на сёння 6-месячнай экспедыцыі не толькі публікаваў фота з МКС (у тым ліку Мінска), але і запісваў навукова-папулярныя відэа і нават шыкоўна спеў на борце МКС «Space Oddity» Дэвіда Боўі.