NASA прадставіла беспілотны трансформер
GL-10 узлятае вертыкальна, трансфармуецца і ляціць гарызантальна.
04.05.2015 / 16:08
Даследчыкі NASA з Цэнтра Лэнглі прадставілі прататып беспілотніка Greased Lightning GL-10, здольны трансфармавацца ў паветры.
Трохметровы апарат узлятае як верталёт, проста ў паветры мяняе арыентацыю крылаў і ляціць як самалёт.
Апарат лётае на 10 рухавіках: па чатыры на кожным крыле і два на хвасце. Такая сістэма дазваляе зэканоміць энергію і ў некалькі разоў павялічыць дальнасць палёту на адным зарадзе.
Падобная схема пасля дапрацоўкі можа быць выкарыстаная як для назірання, так і для перавозкі грузаў, а то і пасажыраў.