Ukrainskija ŚMI: Były biełaruski milicyjant vajuje na baku «DNR» u Šyrokina VIDEA
aściarožna, niecenzurnaja leksika!
27.05.2015 / 12:49
U siecivie źjaviłasia videa, apublikavanaje navinovym partałam informator.lg.ua. Na im uzbrojenyja ludzi ŭstaŭlajuć patrony ŭ mahaziny aŭtamataŭ Kałašnikava, raskazvajuć, jak buduć «zabivać ukropaŭ», pjuć vino i padymajuć tost za biełaruskuju milicyju.
Hutarka terarystaŭ, bahataja na nienarmatyŭnuju leksiku, utrymlivaje nastupny pasaž:
«Ja chaču vypić za ŭsich biełaruskich milicyjantaŭ. — My pjem da dna, i kurym da filtra… — Chaču vam, chłopcy, pieradać pryvitańnie. Jaki b ja drenny ni byŭ, ale ciapier ja adkuplu svaju vinu. A jašče ja chutka ažaniusia z «Bahiraj», u mianie domik la mora…»
Možna vykazać zdahadku, što ŭdzielnik videa, jaki prapanoŭvaje vypić za biełaruskich milicyjantaŭ, sam źjaŭlaŭsia supracoŭnikam pravaachoŭnych orhanaŭ Biełarusi.