Дзяўчына, якую шукалі ў Дзвіне, знайшлася дома
07.07.2015 / 15:09
19-гадовая дзяўчына, якую шукалі вадалазы як патанулую ў Дзвіне ў межах Віцебска, знойдзена жывой і непашкоджанай
Раней МНС у аператыўнай зводцы аб патанулых за мінулыя суткі паведамляла, што вечарам 6 ліпеня ў Заходняй Дзвіне ў раёне 8-й вуліцы Чкалава ў Віцебску патанула дзяўчына. Інфармацыя аб яе знікненні паступіла ў цэнтр аператыўнага ўпраўлення МНС па Віцебскай вобласці. Да месца выкліку прыбылі падраздзяленні МНС. Яе спадарожнік паведаміў, што яны разам ужывалі спіртное. Затым дзяўчына вырашыла паплаваць, пайшла ў ваду, нырнула і больш на паверхні не паказалася. Цела патанулай шукалі да ночы.
Паводле звестак РАУС, маладая жанчына раніцай была знойдзена дома. Іншыя падрабязнасці гэтай гісторыі высвятляюць супрацоўнікі міліцыі.