Siamju azierbajdžanskich pravaabaroncaŭ prysudzili da vialikich turemnych terminaŭ
13.08.2015 / 19:52
U Baku pravaabaronca Łejła Junus prysudžanaja da 8,5 hadoŭ źniavoleńnia, jaje muž Aryf Junus — da 7 hadoŭ.
Łejła Junus viadomaja jak aktyŭny krytyk parušeńnia pravoŭ čałavieka ŭ Azierbajdžanie i prychilnica azierbajdžana-armianskaha prymireńnia. Jana źjaŭlałasia dyrektaram Instytuta miru i demakratyi, jaki tak i nie byŭ zarehistravany.
Prakurory prasili dla Łejły Junus 11 hadoŭ turmy pa abvinavačvańni ŭ ekanamičnych złačynstvach, uklučajučy machlarstva, uchileńnie ad vypłaty padatkaŭ, i ŭ niezakonnaj pradprymalnickaj dziejnaści — i 9 hadoŭ turemnaha źniavoleńnia dla jaje muža Aryfa Junusa, jakoha vinavaciać u machlarstvie.
Aryf Junus skazaŭ sudu: «Zaklikaju kataŭ rabić usio, što jany chočuć». Zatym jon upaŭ.
Padčas sudovaha raźbiralnictva Aryf, u jakoha surjoznyja prablemy sa zdaroŭjem, byŭ ledźvie ŭ stanie siadzieć i ŭvieś čas atrymlivaŭ miedyčnuju dapamohu, u tym liku injekcyi.