У Бэрліне ўсталявалі помнік гомасэксуалістам
Помнік у выглядзе бэтоннага куба ўсталяваны насупраць мэмарыялу ахвярам Халакосту.
28.05.2008 / 09:53
У сталіцы Нямеччыны адкрылі помнік гомасэксуалістам, якія сталі ахвярамі нацысцкага рэжыму.
Помнік у выглядзе бэтоннага куба ўсталяваны насупраць мэмарыялу ахвярам Халакосту. 50 тысяч немцаў нетрадыцыйнай сэксуальнай арыентацыі зазналі пры нацыстах перасьлед, у тым ліку прымусовую кастрацыю. Шмат хто зь іх загінуў у нацысцкіх канцлягерах.
У часе выступу на адкрыцьці манумэнту міністар культуры Нямеччыны Бэрнд Нойман сказаў:
«Мы хочам, каб гэты помнік быў заўсёдным напамінам пра непрымальнасьць у нашым грамадзтве праяў нецярпімасьці й варожасьці ў дачыненьні да гомасэксуалістаў і лесьбіянак».
Доўгі час гэтая група насельніцтва ня згадвалася ў ліку ахвяраў нацызму.